عربـــــي الاصل.... غربي الهويــــــــــــة

salam alikom

اعتذر تماااما عن التاخير الجاامد...لظروف حصلت
وياريتها ما حصلت
المهم
.
.
.
بسم الله الرحمن الرحيم
بلا مقدمات وكثر كلام ليس في نطاق موضوع وقضية هذا الاسبوع
ابدء بذكر قول الله تعالى
"يا ايها الذين آمنوا ادخلوا في السلم كافة ولا تتبعوا خطوات الشيطان انه لكم عدو مبين"
صدق الله العظيم

امراان لا ينفصلان وهما في اية واحدة...
ان ندخل في السلم الذي يامرنا الله عز وجل به في الاية الكريمة ونتبع تعاليم الاسلام والامر الثاني ان لا نتبع خطوات الشيطان فهو عدو مبين

قضية عصرية لا ادري ما وصفها ...لا ادري ما محلها...ما بدايتها وماذا ستكون نهايتهااا
فهي على قولي...شوشنة وروشنة
عربي الاصل ...غربي الهوية

اكمل باقي البوست باللغة العربية الفصحى ولا اكملها باللغة العامية المصرية المحرفة
مش عارفة عشان اهملت اللغة العربية الفصحى في كثر من بوستاتي وكثير من اقوالي
بغفلة مني...كبدااية للعودة تاني لا تؤاخذوني لاني هكتب مزيج منهم
وربنا يهديني واعرف ارجع اكتب تااني بالعربي
هههههههه...الجملة دي بتفكرني بحااجة سمعتها امباارح لسه هتيجي في السكة ان شاء الله

عربي الاصل...غربي الهوية
مش هقول (بدئت) موجة او هوجة او او...من (بعض) الشباب في اتبااع الغرب في كل افعالهم اقوالهم
اللغة...الفكر...الثاقفة...الاسلوب...العادات...الخرافات...الاستايلات...
كله الا الدين...والتعليل...لاء اصله حراام..:(
بس هقول (اوشكت على الانقراض) موجة الاتبااع والتقليد...لاننا فقدنا محتواانا العربي الوطني
فقدنا اصلنا او نكااد نفقده...ومش هقول بعض بل معظم...واعترف بالفعل اني منهم ايضا
عادة ما تثاار مشاعرنا وتستنزف دموعنا عند سماع نشرة الاخبارومتابعة اخبار الدول العربية الشقيقة
فلسطين ...العراق...لبنان...السودان...الخ
ونصرخ لا للحرب والاسلام هو الحل و الانتصار باذن الله ونرفع شعارات بكل قوة وامل في اصلاح الوضع
لكن وليست بلكن
حرب دااخلية نحن بصددها...من سيداافع عنااا...من سينتصر...من ومن ومن...وكيف
لا ادري...:(
خطوات ونفخات الشيطاان..في تقليد الغرب والتنكر من هويتنا العربية والتطلع الي ما هو غي متوافق مع انتمائنا لاصلنا كمصريين كعرب كمسلمين
اقحمنا انفسنا في غير مواضعنااا...
ايام عصر الجاهلية وبدء الاسلام....كان الكفار بكل بسااطة بيحاولوا بشتى الطرق منع وجود دين يدعوا الى توحيد الالوهية...وحاولوا استنكاار وجود ربنا والعياذ بالله وامتنعوا عن ترك الدمى التي كانوا يعبدونا وحاربوا وجود الاسلام
لكن
اللغة العربية؟؟؟؟؟؟ كانت لغتهم...
مكة؟؟؟؟؟؟كانت مسكنهم وطردوا المسلمين منها ولم يتنالوا عنها...
والخ والخ والخ
مش بقارن بين كفار زماان وكفار اليوم
ومش بقول ان زمان اهون من اليوم لانهم هدفهم وااحد وهي مسح الاسلام ونفي وجوده
بس هقول دول شرق ودول غرب

كلامنا بكل بسااطة بقى مزيج من مجموعة مقاادير...اللغة العامية الي استبدلنااها بالفصحى...ولا تكاد تكون عامية متاصلة بل عاامية من كافة انتااج اللغات...مع مزيج من البهارات الفرنسية والالماانية والايطالية مع وجود اساس الملح الانجليزي البريطالني او الامريكي مع انتااج وتغليف وتزين لغة اليوم من باقي اللغات الغربية
لغة القراءن...اصبحت طبق الامس...اما طبق اليوم هفو طبق عصري نتنااوله بمنتهى الاعجااب وشهيتنا مفتوحة على الاخر...:(
العرب يالفرينكو...اكتسح دور الكيبوردات وعلى جميع شاشات النت
بنفخر بتناوله وتداوله وسرعة ادراكه وابداع في تطويره...اهي لغة جديدة بس لمين براءة الاخترااع؟؟؟
الحاجة الي لسه سامعااها امبارح...ابراهيم الفقي بيحكي
احد رجال الاعمال او الدكاترة سافر اوروبا وبعد 6 اشهر اجري معه حوار
فقالوله يتكلم..رد...بيحاول يفتكر اللغة العربية...:)
سالوه وبقالك اد ايه في الوطن العربي...بقاله 28 سنة
6 اشهر مسحوا العربي بتاعه...:)
لا حول ولا قوة الا بالله

فكرنا ...نطلع للحرية...نطلع للانطلاق...نطلع للمساواة
مثلا المراة...عايزة تشتغل وتعمل وتتعلم مهارات و و و و...
ايه الماانع؟؟؟
مش هقول لاء...واظلم نفسي
ومش هقول اه واظلم نفسي قبل البااقي برده
بس هقول لا ماانع ما دام حرية في نطاق الشرعية وفي حدود تقبل المجتمع الشرقي المحيط بينااا
تعلقنا بامال كسحااب مبثوثة بمسااواة بالغرب...مثلا حررية التعبير
احد الصحفين ذو منصبه بفرنسا لمجرد تعلقه
بوهم حرية التعبير...في احدى مقالته ذكر بان القناصين الاسرائلين يترصدون او يصيبون المسلماات لدى خروجهن من المدارس
فكان القرار عزله من منصبه!!!!
على نقيض...احدى المؤتمرات او الندوات ذكر احد ان الفلسطينين
شعب همجي ارهابي مرعب مررت الجملة مرور الكراام!!!!
هي دي حرية التعبير...شتمنا ورسم رسول الله وتهزيئنا
هي دي حرية التعبير الي بخوها في وطنا ومطبقوهاااش!!!!

ثقافاتنا...كل منااا بيحب قراءة الكتب المترجمة لكتاب مشهورين من الغرب
في كافة المجالات...القصص...الرواياات...التنمية البشرية وادراة الاعمال...السياسات...شخصياات...الخ
انا نفسي...كنت افضل الكتب المترجمة عشان تحتوي المادة العلمية بطريقة بحتة حسب المجال الي هقرء فيه
عزلنا الكتاب العرب من موهبة الابدااع وبنقول...دول مبيفهموش...وعممنا الجمل عليهم
تركنا ترااثنااا واصلنااا لغيرنا ليفيدهم واستبدلنااا مصادرنااا بمنتهى البساطة
استبدلنا القراءن بالكتب المقدسة الاخرى بوهم المعرفة والاستطلاع
طيب نعرف دينا الاول ونطبقه وبعدها نتنتقل للمفيد...sad.gif

تراثنااا وحضارتنا...استنكرنا مجدها و ووجودها بتعجبنا من دعايا وتجميل الغرب لحضاراتهم
وقفنا عند مرحلة الاستعجااب مش مرحلة الافتخار بقديمنا فحسب...
استبدلنا اصلنا بالمستورد من التعمير و الوجود

واخيرا...استاايلاتنا...:(
اتكلم براحتي ولا بلاش احسن...:)
قلدنا باتقاان وابدااع موجاات الفشن والموضة والاستايلات الغربية
ابداع الفرنسين واتقان وروعهــ الامريكين
قولدنااهم بغير ادرااك لعدم تقبلها في مجتمعنا العربي...المسلم
وبالعكس لو بصينا من برى الدايرة...هنلاقي ان معظم المتدااول بين الشباب العربي
ما هو متدااول بين الشباب المنبوذ بافعاله بغرابته بتنكره في الغرب
تقليد اعمى بلا ادرااك ...
تنكرنا لاصلنا...تنكرنا لانتماائنااا...:(
قفلنا عيونا عن حقيقة التقليد بانها لا تفيد وقلدناهم!!!
وهنا بتنطبق علينا شونة روشنة

انتهيت من نقدي ونهشي للوضع الراهن في هويتنا الجديدة الي سطت على عقول الشباب
ولا ادري ما اقول لاني احبطت...من حقيقتها ...
ربنا يهدينا ويهديني ياارب...

واخيرا...
مش بقول البس قميص وبنطلون وابقى مدهول
او مش بقول البسي عباية وابقى غير مهندمة
مش بقول اتكلم عربي ومتتعلمش غيره من اللغات
مش بقولك ابعد عن كتب الغرب وابعد عن المعرفة واكتافي بقراءة كتب كتااب العرب واوعى توسع نطاق معرفتك
مش بقولك اكتفي بنطاق المسموح ليك من الحرية الي موجودة حاليا وارخس ولا كلمة متحاولش انك تطالب بيها من غير وعي بحدودك كيان مسلم عربي

كن انت...ولا تحاول ان تكون هم
لانك ببساطة لست هم فانك انت
انتمي لربك...انتمي لنفسك...انتمي لاصلك...لثقافتك...لأبلدك...لعربيتك ووطنيتك
اصلح نفسك وابتكر وجودك باعتزازك لكيانك

كن انت...كن انت...كن انت
انت كعربي وطني...كمسلم ملتزم بدينك...كشااب مروشن عايش عصرك
كل يوم بيعدي علينا هنتحااسب عليه..متعلقش نفسك باوهااام او اامال مش هتحصل بطريقتك المتبعة دي
متااولش تقلد حد مهما كانت مكاانته...لانك ببساطة مش هو...:)
انتمي لربنا...انتمي لنفسك...انتمي لبلدك...انتمي لاصلك
باافعالك وتمثيلك ليهم
كن كما انت...لانك ببساطة انت
والله ولي التوفيق

واعتذر عن وجود اي حدة في البوست...واي كلمة اذت اي حد...:)
ومنتظرة منااقشة وابدااء اراء...:)
واقترااحات عملية بخصوص البموضوع ده واي مووضع قاادم...:)
سلام عليكم